Unuflanke, la okazintajxoj en la mondo venkis la hegemonismon de la eksa Sovetio kaj metis finon ankaux al la orienta milita bloko, estigante realan eblecon okupigxi pri la bazaj taskoj de mondpaco, kiel garantio de la rajto de nacia memdecido, la elimino de nuklearmiloj, kaj la forjxeton de cxiuj militaj aliancoj. Malfermigxis por ni nova perspektivo cxasi mondpacon kaj la suverenecon kaj sekurecon de Japanio. Sed aliflanke la mondo frontas kontraux serioza situacio kun usona imperiismo, la sola restanta superpotenco, kiu profitas la morton de Sovetio por establi sian politikan kaj armean mondhegemonion. Tiu evoluo estas grava minaco al mondpaco kaj la rajto de nacia memdecido.

En tiu kunteksto estas ekstreme grave kiel por la nuna japana popolo kaj gxiaj estontaj generacioj tiel ankaux por la paco en Azio kaj la mondo, ke Japanio serioze konsideru la starigon kaj efektivigon de nova internacia politiko, kiu liberigos Japanion de gxia tradicia kadro.

1. Japanio Ne Devas Subteni la Usonan Militan kaj Politikan Strategion de Malvarm-milita Tipo

Ekde sia estigxo JPEA subtenadis la pozicion de suverena sendependeco kontraux cxiuj formoj de hegemonismo. La malvenko de japana, germana kaj itala hegemonismo en la Dua Mondmilito, la malvenko de Usono en sia agresmilito kontraux Vjetnamio, la kolapso de sovetia hegemonismo kiel montrita en gxiaj invadoj en Cxehxoslovakion kaj Afganistanon kaj la fiasko de la provo de iraka hegemoniismo havigi al si Kuvajtion - cxiuj tiuj atestas, ke la dudeka jarcento estas karakterizita plej grave fare de la regreso de hegemonismo kaj la atingo de nacia sendependeco kaj suvereneco.

Tamen, malgraux la disfalo de la eksa Sovetio, Usono rifuzas forlasi sian politikan kaj militan agoplanon sed anstatauxe publikigis sian strategion por tergloba hegemonismo. Ignorante sian propran iom memkritikan ekspertizon pri sia estinta hegemonismo, Usono nun pravigis sian agresmiliton en Vjetnamio kiel kontribuajxo al la venko super komunismo."

La nova strategio de Usono diras, ke nenia rivalo estu permesita ekzisti por minaci Usonon; alivorte, Usono deklaris, ke estas gxia nacia politiko komandi la mondon. En tiu kunteksto la nova milita strategio klarigas, ke Usono pluigos sian strategion de ekspedicia lokigo" por kovri la tutan mondon, strategion ebligi Usonon armee interveni en ia ajn disputon" ie ajn en la mondo. La nova strategio ecx iras tiom, kiom gxi asertas, ke, se la Unuigxinta Naciaro ne agas kiel Usono deziras, estas la natura rajto de Usono turni sin al armea interveno senkonsidere pri la U.N.. Tiel ekstrema usona aroganteco de hegemonismo de sola superpotenco" vekis largxan kritikadon, timon kaj singardemon inter diversaj rondoj en la mondo, inklude de funkciuloj de U.N..

Usona hegemonismo nun estas unu el la faktoroj, kiuj plej dangxerigas la mondan pacon kaj la establon de monda ordo, en kiu cxiuj nacioj povas ekzisti pace, reciproke respektante alies memdecidon kaj sendependecon. Siaflanke, Japanio devas establi bazan politikon pri eksterlandaj aferoj, kiu rifuzas sian jungigxon al la hegemonismo de la sola superpotenco Usono" kaj fari sian propran kontribuon al la monda paco el sia sendependa vidpunkto.

Sed la Liberal-Demokrata Partio kaj la kabineto Mijazauxa permesas sin konsideri, ke Usono prenas sur sin tergloban gvidantecon, promesante, ke la usonaj militbazoj en Japanio estu uzeblaj kiel ekspediciaj fortikajxoj por la usona strategio de ekspedicia lokigo." Tia eksterlandafera politiko subservanta al Usono, kiu rigardas la servadon al Usono kiel imperativon, povos nur serioze damagxi kaj la japanan estontecon kaj la pacon kaj sekurecon de la mondo totale. Urgxas decidaj pasxoj por Japanio eskape el tia politiko de malvarm-milita tipo subservanta al Usono.

2. La Legxo pri PGO ne estu ekfunkciigita, MDK ne estu sendita eksterlanden

Estas klara fakto de historio, ke la Legxo pri PGO originis de la usona postulo pri sangoversxado" en la persgolfa krizo. La legxo naskigxis kiel cxirkauxira taktiko de kunlaborado en pac-gardaj operacioj (PGO) de U.N. kiel sia cxefa tasko. Tiu legxo estis pretigita, cxar la antauxiranta legxprojekto pri Porpaca Kunlaboro kun U.N.", kiu cxefe celas kunlaboradon kun multenaciaj armefortoj, estis forjxetita pro tutnacia kontrauxstaro. En la totala situacio, ecx la Legxo pri PGO estas parto de la mekanismo en kiu Japana Mem-Defenda Korpusaro partoprenos en la milita strategio de usona hegemonismo. En la scenario de la militistaj gvidantoj de Japanio kaj Usono, sendi MDK eksterlanden kaj uzigi al ili armilojn tie estos necesa brecxado, de kiu oni povus eskaladi al la sendado eksterlanden de trupoj kiel parto de Japan-Usona Milita Alianco operacianta je tergloba skalo.

Cxi konekse, Legxo pri PGO ne devas esti ekfunkciigita praktike kaj la MDK ne devas esti permesita iri eksterlanden. PGO", kiun la registaro kaj la reganta Liberal-Demokrata Partio, la Partio Komei kaj la Demokrat-Socialista Partio proponis al la popolo kaj per kiu ili kondicxis la legxon estas largxe malsama de la aktualaj operacioj de PGO de U.N.. Tiuj malsamecoj estis atentigita de la Japana Komunista Partio en la parlamento, kaj la registaro restis nekapabla doni respondecan respondon pri la malsameco. La Legxo pri PGO priskribas PGO" kiel ekspedon eksterlanden kondicxe, ke cxiuj armaj konfliktoj estas finitaj kaj cxiuj partioj estas konsentintaj batalcxeson. PGO fakte operacias en regionoj kie arma konfliktoj dauxras, kiel Jugoslavio kaj Kambogxo.

3. Aktiva diplomatio por Elimino de Nukleaj Armiloj

Sxangxigxis la situacio, en kiu reciproke kunfrontigxas du nukle-militaj blokoj, kaj tio jam ne estas kiel tio estis. Tio kreis belajn kondicxojn por antauxeniri al eliminado de nuklearmiloj, arda deziro de la japana popolo. Sed Usono kaj aliaj nuklepotencoj ankoraux persistas pli malpli cxe politiko de forto", uzante nuklearmilojn kiel rimedo domini kaj devigi aliajn naciojn sub sia politika kaj militista regado. Se la demando de nuklearmiloj estas lasata al diskutadoj inter la nuklepotencoj, tiam ne malfermigxos la vojo liberigi la homaron de la minaco de nuklearmiloj kaj nuklemilito. Efektive la Usona-Rusa Konferenco pri la Malpliigo de Nuklearmiloj kaj la Politika Deklaro de Munkena Kulmin-Konferenco emfazis nur la ne-proliferon de nuklearmiloj kaj klare montras, ke la nuklepotencoj intencas konservi sian monopolon de nuklearmiloj, kaj Usono persistadas al sia strategio de nuklea supereco.

Por efektivigi finmeton al la minaco de nuklemilito, demando tuthomara, estas tempo por cxiuj pacamantoj kunligi manojn kun la mondvastaj movadoj kontraux nuklearmiloj kaj vocxoj por paco, kaj kun la nukle-neantaj nacioj, kiuj estas la inundanta plimulto en la U.N., por la totala elimino de nuklearmiloj, kaj iniciati en amasmovadoj.

【要旨】

日本の外交は，唯一の超大国を自認するアメリカの覇権主義に追従すべきではない．アメリカの冷戦型の軍事・政治戦略を支持すべきではない． ＰＫＯ法案を発動させ，自衛隊を海外に派遣させてはならない． 核兵器廃絶のための積極的な外交を．

La aktuala situacio en Bulgario

Kial? La nuna registaro de tiel nomata "Unuigxo de demokratiaj fortoj" (bulgara siglo СДС = prononcu Se De Se) pravigas sin tiel: "Ni ricevis katastrofe ruinigxintan ekonomian staton de la lando far la antauxa komunista regximo." Nu, kiaj estas la faktoj? Antauxe en nia lando entute mankis senlaboreco. Nu gxi estas kolosa por la dimensio de nia lando kun logxantaro iom sub 9 milionoj. Antauxe estis konstruitaj logxejoj en urboj kaj vilagxoj por milionoj da familioj je tolerebla prezo. Ilin konstruis cxefe la sxtato. En la nuna bugxeto ne estas antauxvidita konstruado de logxejoj. Cxiu bezonanta logxejon devas per propraj rimedoj je kolosaj sumoj konstrui propran domon aux pagi netolereblan lupagon. Tria gravega punkto: niaj salajroj kaj pensioj suficxis por certigi normalan, sed ne luksan vivmanieron. Multaj ecx sxparis por acxeti domon. Nun 4 kvinonoj de la laboristoj, oficistoj kaj pensiuloj ne povas garantii al si ecx biologian minimunon por sin vivteni. La inflacio galopas, la salajroj postsekvas apenaux spirante. Bildece: se la inflacio estas lokomotivo, la laborulo lamas piede post ties cxiutaga plialtigxo. Oni klarigas al ni, ke la evoluo de la landa ekonomio diktas tion, cxar ni orientigxis al merkata ekonomio... Cxio normaligxos post kelkaj jaroj... La popola proverbo diras: "Mia cxevalo, estu afabla ne mangxi gxis elkreskos nova fresxa herbo!" Sed gxis tiam la cxevalo forpasos.

La lernejoj de cxiuj tipoj estis senpagaj. Nun oni devas pagi grandajn sumojn por akiri altan edukon en universitato, kolegio aux simila alta lernejo. Do, la gefiloj de ricxuloj nur povas havi la eblecon akiri altan specialecon: ingxeniero, kuracisto, filologo, teologo k.s.

La fundamenta kauxzo de la amasa mizerigxo kaj proletarigxo de la logxantaro kusxas en la fakto, ke la bona industria kaj agrikultura bazo estas intence kaj intense ruinigata, la produktado cxiutage malpliigxas, la merkato ne ricevas landajn protektojn, sed importas ilin kontraux spekulaj prezoj. La prezoj estas tiom altaj, ke la plimulto de la logxantoj vizitas la magazenojn kiel oni vizitas muzeojn: nur por vidi la produktojn aux la varojn kaj ties prezojn. Oni simple ne povas havi la necesan acxetkapablon. La minimuma kresko de la prezoj estas almenaux dekobla. Ne hazarde oni jam parolas pri milionuloj, kiuj cxefe per spekulado gajnas grandajn sumojn. La radio kaj la televido informas pri organizitaj baloj en luksegaj restoracioj, kie cxeestas nur milionuloj kun siaj familioj.

Antauxe en la lando mankis milionuloj gxenerale. Estis modestaj laboristoj, oficistoj, kamparanoj kaj intelektuloj. Nun la figuro de la spektanto estas tre elstara sur la fono de la amasa mizerigxo. Antauxe mi povis sendi leteron per aerposxto al Japanio aux Usono kun afranko de 1 levo (landa monunuo). Nun por Japanio la afranko kostas 8 levojn (kaj la rekomendita letero 28 levojn!), por Usono 8.50 levojn.

La parlamento, kie la opozicia Socialista Partio ВСП (Besepe) disponas pri 94 deputitoj, la registara partio СДС = nur kelkajn pliajn deptitojn. Tamen en parlamenta unuigxo (integrigxo) kun kontrauxkonstitucia etna partio СДС (mahometana) kun 27 deputitoj oni formas reakcian blokon kaj vocxdonas serion da kontrauxkonstituciaj legxoj por faciligi la kreon de landa kapitalistaro. Ekz., oni ruinigas tute modernan industrian fakon kun altkvalita sur la internacia merkato produkto por povi acxeti gxin je bagatela prezo kaj funkciigi gxin jam kiel privata kapitalisto. Tio estas simpla donaco de sxtataj entreprenoj al la nova kapitalista klaso, kiu rapide kreskas en la lando. Tion oni faras en la moderna kooperativa terkulturado, neniigante la kooperativojn per policaj metodoj.

Jxus oni senigis deputiton de la Socislista Partio Andrej Lukanov je la deputita imuneco nur pro politika agresemo. La oficiala organo de СДС skribis: La unua jam estas ekster la parlamento!" (Do, sekvos aliajn!). Jen parlamenta diktaturo!

【要旨】

ブルガリアの政治，経済，社会は状況ひどい状況になっている．生物学的最低生存線も保障されない．そのなかで，少数の百万長者が生まれつつある．物資は投機的な価格で外国から輸入される．現在の与党である民主勢力連合は，「前の共産党政府から，破局的な経済状態で国を受け継いだのだから... 」というが，事実はどうか．

La Monda Konferenco kontraux Atom- kaj Hidrogen-Bomboj 1992 estos okazigita, kiam cxi tiu manuskripto jam estos en via mano. En pli ekzakta lingvo, gxi jam komencigxis per popola marsxo al Hirosxima, kiu nun dauxras. Ankaux mi oferis mian libertagon por partopreni la marsxon, kiam gxi trapasxisx nian urbon Osaka. Tiu cxi kongreso okazas sub tute novaj kondicxoj, kiujn gxi neniam renkontis antauxe.

Fatala kontrauxstaro de Usono kaj Sovetio finigxis per la disfalo de la lasta. Bush proklamis la venkon kaj montris sian novan mondo-strategion, trovante nenian forton, kiu staros kontraux la usona potenco. Li tamen ne diris, ke en kaj cxirkaux sia lando turmentas lin multe da krizaj problemoj.

Dramecaj okazintajxoj denove malkasxis la veron de historio -- libero, demokratio, nacia memdecido estas tajdo de la 20-a jarcento. Hegemonismo fine fiaskis kaj fiaskos, kaj venkos la popola volo. La monda konferenco kontraux atom- kaj hidrogen-Bomboj estas ege necesa, kiam ekzistas nova projekto, kiu volas submeti la mondon per nukleaj armiloj kaj ekzistas militaj aliancoj kontraux la popola volo.

Tamen nuna situacio estas pli favora por ni, cxar kiel Usono tiel ankaux Rusio prezentis sian proponon pri kvanta redukto de nukleaj armiloj, kvankam ili ambaux staras sur la vidpunkto, ke la posedo de kelkmiloj da nukleaj armiloj estas necesa por ili.

Alia favora kondicxo por ni estas, ke la preteksto de sovetia minaco" malaperis por Usono je la malapero de Sovetio. Sed samtempe ni devas vidi, ke Usono persistas cxe nukleaj armiloj kaj militaj aliancoj, kaj ke ilia nova strategio etendigxas por regi la mondon per armaj rimedoj.

La malapero de la malvarma milito signifas por ni la malaperon de la plej granda obstaklo al nia movado por paco kontraux la nukleaj armiloj.

Maturigxas tempo por la kompleta elimino de nukleaj armiloj. La Monda Konferenco kontraux Atom- kaj Hidrogen-Bomboj malfermos novan pagxon kun novaj partoprenantoj el diversaj landoj, inter ili ankaux tiuj el eksa Sovetio. Ili laboris kaj laboradas herboradike en vera senco de la vorto por paco kontraux la nukleaj armiloj. La kongreso kun 38 jaroj da tradicio estas sola kaj la plej tauxga loko por internacia kunlaboro por la celo.

【内容】

新しい条件と環境のもとで，原水爆廃絶運動にいかに取り組むべきか．

Kemia Firmao Rilata al Micubisi Kasei en Bukit Merah, estis Ordonita Fermigxi

Tiuj viktimoj de Bukit Merah, kie plimultigxas kazoj de leuxkemio kaj denaskaj malsanoj, plurajn fojon venis al Japanio kaj akuzis al la japana registaro kaj Micubisxi Kasei cxesigi la funkciadon de la firmao. Lam Lai Kuan estis unu el ili, kaj suferas pro leuxkemio. Sxi estis 12-jaragxa, kiam sxi venis al Japanio kun 4 025 peticioj de la vilagxanoj en julio 1990 kaj vizitis la Ministrejo pri Eksterlandaj Aferoj kaj la Buroo pri Medioj. Sxi mortis en novembro 1990.

MORIWAKI Kimio, cxefsekretario de la Nacia Federacio de Asocioj de Poluciaj Viktimoj, kiu iris al Bukit Merah por surloka esplorado, diris "Mi memoras la knabinon (Lam Lai Kuan), kiu mortis je la agxo de 13. Estas vere bona novajxo, ke la vilagxanoj de Bukit Merah gajnis sian kazon por la haltigo de la funkciado de la firmao."

TERANISXI Sxun'icxi, profesoro de media ekonomiko cxe Universitato Hitocubasxi, diris, Tiu decido kontraux ARE estas epokfara, cxar sano de la vilagxanoj estis detruita kaj la vilagxa logxantaro malpliigxis de 10 000 gxis 7000."

TOJODA Makoto, juristo, estro de la esplora delegitaro en ARE, diris, La decido signifas kompletan venkon por la vilagxanoj. Tio estas la unua kazo, en kiu japana kompanio estis akuzata pro eksportado de polucio. Ni volas plifortigi nian selidarecon kun ili."

【内容】

マレーシアで三菱化成関連の公害会社にたいして，操業禁止の判決が下った. この判決を支持する日本の環境を守る運動グループ.

Gensuikgxo (Japana Konsilio Kontraux Atom- kaj Hidrogen-Bomboj) sendis por la periodo de la 1-a gxis la 10-a de aprilo delegitaron al Semipalatinsk por esplori staton de damagxo pro nukleaj eksperimentoj. En la ado de la protesto kontraux likigxo de radioaktivajxo kauxzita de subteraj eksperimentoj naskigxis la movado Nevada-Semipalatinsk, kaj la unio de la viktimoj estis organizita la 29-an de auxgusto, 1989.

Sxance de la senditaj subskriboj responde al la appelo de Nirosxima kaj Nagasaki por la totala elimino de nukleaj armiloj, prilaboritaj de la unio de la viktimoj, Gensuikgxo sendis sian delegitaron.

Ecx post la krevigxo de Sovetio la stato de la damagxo kaj malsano ankoraux ne estas publike informita, malgraux la fakto ke la eksperimentejo estis fermita de la prezidenta dekreto, kaj ke prefekto kaj urbestro subtenas la movadon nuligi nukleajn armilojn. Manko de ajxoj estas tiel severa, ke oni reuzas dudek-tridek fojojn uzitajn injektilojn post repurigo, kaj la pacientoj mem devas pretigi gantojn por sia operacio, raportas d-ro Takagi, membro de la delegitaro.

Li esprimis indignon, ke ecx la necesaj detaloj por la kuracado ne estas atingeblaj, kvankam oni dauxre suferas tie pro kancero kaj denaska deformiteco rezultantaj el radioaktiveco. Laux li ankoraux regas tie sekretismo. La bazo de la eksperimenta trupo ankoraux restas cxirkauxita de drata reto kaj la fotado ne estas permesita ecx nun.

放射能に汚染されたセミパラチンスクの人達をと協力する日本の平和運動と同市の実態．

NE! al Brita aviadilportsxipo

La 19,500 tonela portsxipo, akompanate de la misilportanta detrojero Neuxcastle kaj la proviza sxipo Fort Austin, eniris la japanan havenon por la unua fojo. Gxi restis tie gxis la sekvanta lundo.

Antaux gxia enhavenigxo, Tokia Pac-Komitato, Tokia Plenumkomitato por Nuligo de la Sekureca Traktato inter Japanio kaj Usono, Tokia Gensuikgxo (Konsilio kontraux Atom- kaj Hidrogen-Bomboj), Tokia Distrikta Konsilio de Laboristaj Sindikatoj kaj aliaj laboristaj organizoj postulis, ke la Ministrejo pri Fremdaj Aferoj forjxetu la planon akcepti en Tokia Golfo la britan aviadilsxipon Invincible.

Ili asertas, ke la akcepto de la sxipo atencos la Tri Principojn kontraux Nukleaj Armiloj, akceptitajn en la parlamento, nome, "Japanio ne produktos, ne posedos, ne akceptos nukleajn armilojn".

Invincible kapablas porti 5 Sea Harrier, vertikale de- kaj alterigeblaj atakaviadiloj kaj 9 Sea King, kontraux-submarsxipaj helikopteroj, kaj laux la esploro de Green Peace estas certe, ke gxi estas sxargxita per 5 aux 6 nukleaj misiloj.

La aviadilsxipo partoprenis en la konflikto de Falkland-aj Insuloj en 1982, kaj Novzelando, kiu, laux sia nacia politiko kontrauxas nukleajn armilojn, rifuzis akcepti gxin en sia haveno cxar gxi portas nukleajn armilojn. Ankaux en 1983 suspekto pri la ekzisto de nukleaj armiloj sur gxi malebligis gxian eniron en japanan havenon.

Cetere, brita defenda ministro deklaris la 15-an de junio totalan forigon de taktikaj nuklearmiloj for de la Brita Mararmeo. Tio signifas, ke ili ankoraux posedas strategiajn nuklearmilojn.

Jam de longe brita mararmeo diras, ke la sxipoj ne estas sxargxitaj per nuklearmiloj en ordinara tempo, kaj lia deklaro subtenas tion. Sed la brita registaro sintenas, ke ili nek jesas nek neas la sxargxon de nukleaj armiloj."

(el Heiuxa Sinbun, n-ro 1373, 15 jul. 1992)

【内容】

イギリスの原子力艦インヴィンシブルの横須賀港入港に反対した日本の運動．平和新聞７月１５日号のニュースから．

La sistemo estas tia, ke la entreprenisto, kiu ofertas informon sur telefona linio, komisias al N.T.T. kolekti anstataux si pagon de la klientoj kontraux 9% da provizio. Kaj informa prezo kostas inter 10 enojn kaj 300 enojn. Krom tiu provizio, N.T.T. enspezas por unu linio 17 mil enojn monate.

Inter temoj de Numero Q2" trovigxas ankaux auxguro, ekonomia novajxo, akcia informo, angla konversacio k.s., sed la plejparto konsistas el vocxo el seksa sceno, arangxita de jakuza-gangsteroj. Alivorte, gangsteroj-entreprenistoj komisias monkolektadon al telefonoficejo. Do kio okazas en civitana vivo?

S-ino T en Kobe estis konsternita, kiam sxi ricevis fakturon de la telefonoficejo (N.T.T.), kiu postulas 400 mil enojn. Tiu sumo egalas al 2-monata sarajro de ordinara oficisto aux laboristo, dungita de la sama entrepreno kun 5/6-jara kariero. Sxi esploris kaj konstatis, ke sxia filo en la 3-a lerneja jaro de mezlernejo, utiligis Numeron "Q2". Kion li volis auxskulti? Ni vidu reklamojn sur kelkaj sportaj tagjxurnaloj. Tie apelas desegnita nuda virino: Voku min cxi-nokte!", "Amoro vizitos vin, se vi vokos 0990-xxx-xxxx!", "Mi kontentigos vin el Numero 0990-xxx-xxxx!" "Edzino konsolos vin cxe Numero 0990-xxx-xxxx." Knaboj, kiuj ekkonscias pri sekso, ofte estas altirita al tia reklamo, aux informo de siaj amikoj. Li provas turni diferdiskon. La auxskultilo komencas anonci per miela vocxo de virino: "Bonvenon al la paradizo! Cxi tiu informo kostas 10 enojn por 6 sekundoj... Do al la lando de amuzo!"

Kaj pornografiaj scenoj malfermigxas tra la fadeno. Kalkulu, ke 10 enoj por sekundoj facile atingas mil enojn, se li sxovas orelon al la auxskultilo dum 10 minutoj revita de disvolvigxantaj scenoj. Li povas konfidenci nek al patro ne patrino pri tio. Ili trovas la fakturon tro alta, kaj komencas esplori la kauxzon. La telefonoficejo respondas, ke la linio eble estas konektita al Q2", kaj se ili volas, gxi dum certa tempo funkciigos aparaton, kiu registras al kiuj numeroj la telefono estas konektita; la gepatroj severe demandas la filon kaj li konfesas. Tamen ofte afero estas pli simpla. Inter knaboj estas tiaj, kiuj ne emas rifuzi al siaj amikoj uzi telefonon de sia hejmo dum foresto de la gepatroj. Ili ne antauxkalkulas kiom postulos la telefonoficejo poste de la gepatroj de sia amiko.

En alia kazo, unu sxtelisto invadis en iun oficejon, kie li prenis auxskultilon por provi la numeron. Ravita li, tro stulta, restis tie dum longa tempo kaj venis mateno. Oni trovis lin kaj venigis policiston.

Dum mi pretigas cxi tiun raporton, okazis afero, en kiu patro tute furioza pro tio, ke lia filo 18-jara plurfoje neglektis lian ordonon ne voki al Q2", strangolis lin morten. Lia telefonado kauxzis cxiumonate pli ol 200 mil enojn da fakturo de N.T.T.

La sagaco de la friponoj iras plu. Ili elpensis pli praktikan sistemon, en kiu knabinoj dungitaj de ili respondas al tiuj, kiuj turnis la numeron, kaj intersxangxas kun ili incitajn vortojn. Ju pli longas ilia interparolo, des pli gajnas la entreprenisto kaj N.T.T.

Sur stratoj viroj disdonas specialajn telefonkartojn aplikotajn al publikaj telefonaparatoj. Ili ankaux acxeteblaj cxe telefonoficejoj, kaj akiras favoron de la juna generacio, cxar ili estas kelkoble pli malpezaj ol kupraj moneroj kaj tauxgas por ilia longa babilado sur la linio. Ricevinte tiun telefonkarton knaboj provas sxovi gxin en fendeton de publika telefonaparato. Tiam, antaux ol ili pusxos ciferbutonojn la linio auxtomate konektigxas al specifigita numero, de kie auxdigxas supre menciita invito, kaj baldaux gxi finigxas kun mesagxo, ke li povas auxskulti pluan scenon se li ensxovos alian ankoraux validan telefonkarton, aux pusxos la ciferbutonojn en sia propra hejmo.

Ni vidu la aferon de la flanko de la konstruado de tiuj sistemoj. Gxenerale la entreprenistoj mendas ne nur unu/du liniojn por la centra aparato, kiu emisias anhelan temon de virino el sonbendo. La aparato kapablas semtempe trakti 50 aux 100 vokojn. Ili entiras en sian entreprenejon" 100 aux 200 parojn da telefonaj kabloj. Aparatoj en telefonoficejo ne estas en modesta kvanto. Post la privatigxo N.T.T. gxi postulas de laboristoj sintenon, kliento estas regxo." Imagu la timon de laboristoj. La regxo" trudas al ili por la konstruado diversajn malfacilajn kondicxojn teknike preskaux neeblajn.

Kaj la suferantaj civitanoj kaj la suferantaj laboristoj kune faras sian postulon al N.T.T.. Ambaux ligis sin en organizo por postuli de N.T.T. fundamentan sxangxon de tia kontrauxmorala kaj kontrauxsocia komerco" ligita al gangsteroj.

【内容】

やくざと結託したダイヤルＱ2 のあくどい商法とそれをめぐる悲劇．ＮＴＴの体質をあばく.